انا اتجوز ميكانيكي ياماما

انا اتجوز ميكانيكي يا ماما !!! طب إزاي وانا في طب وهبقي دكتورة. 
الام: زين دا زين الرجال وبعدين ماله الميكانيكي ياهند احنا ربناكي على كدا 
ياماما مش القصد بس انا مش موافقة ..
ماشي اللي يريحك
أنا مقصدش اقلل منه بس ازااي ! يعني دايما بقرأ ان البنت عايزة شخص اقل منها وأهلها رافضين ليه عاملين العكس !

هند الحقي ابوكي يابنتي ..
فلاش باك
بابا اغمى عليه و ودناه المستشفى وطبعا زين جارنا كان موجود ولما سمع صوتنا جه بسرعة وهو اللي ودانا اصلا

- في المستشفي 
خير يا دكتور 
انت ابنه 
لا جوز بنته
انا من جوايا استغربت وقولت دا مچنون دا ولا ايه اهو يارب هو اللي عايزني اشتمه اهوو وسكت عشان كنا في موقف مش مستحمل كلام 

بعدها خرج الدكتور وقال .. هو دلوقتي احسن بس حصله شويه مشاكل في القلب وشكله زعل جامد يستحسن محدش يضغط عليه ..

دخلنا وقعدنا معاه وطبعا كنت ملتزمة الصمت وهما عمالين يشكروا زين عدا يومين وبابا خرج ومبطلوش مدح في زين واخلاقه

باااك
انا برضوا مش موافقة يابابا ..
بابا .. خلاص يابنتي خليني اضايق واتعب تاني وانا قلبي مبقاش مستحمل ..

بتنهيده خلاص يا بابا انا موافقة
افتكرت كلام الدكتور فقررت اوافق وقولت هطفشه يعني عادي بس على الاقل بابا مش هيبقى مضايق مني يوم ما جه  يتقدم وقاعدين كلنا فضلت قعدة سرحانة لحد ما قالوا جملة ..
طب نسيبهم لوحدهم شوية ..
اخدت شوية بس قولت هبدأ خطتي في تطفيشة واسيب يتكلم وابدأ اتلكك ليه بس الغريب اني لاقيته ساكت مبيفتحش اي موضوع 
After 5 minutes
بتحب صوت صراصير الليل !
اي !
ما انت قاعد ساكت !
انت عايزة تعرفي حاجة 
اتقدمتلي ليه !
مش هقولك دلوقتي ..
انت غريب !
بس ب.. عن إذنك